అదుపు తప్పి పొలంలోకి దూసుకెళ్లిన కారు
WGL: పర్వతగిరి మండలం రావూరు గ్రామం సమీపంలో మూలమలుపు వద్ద రోడ్డు ప్రమాదం చోటు చేసుకుంది. పర్వతగిరి నుంచి వరంగల్ వైపు వెళ్తున్న కారు శుక్రవారం అదుపు తప్పి వ్యవసాయ పొలంలో దూసుకెళ్లి బోల్తా పడింది. ఈ ఘటనలో కారులో ఇద్దరు వ్యక్తులు స్వల్ప గాయాలైయ్యాయి. స్థానికులు వెంటనే స్పందించి వారిని కారు నుంచి బయటకు తీసి ఆసుపత్రికి తరలించారు. బోల్తాపడిన కారును ట్రాక్టర్ సాయంతో బయటకు తీశారు.