'డంపింగ్ యార్డును ఎత్తివేయాలి'
NLG: చిట్యాల పురపాలిక పరిధిలోని 1వ వార్డు, శివనేని గూడెం సమీపంలోని డంపింగ్ యార్డును ఎత్తివేయాలని గ్రామస్తులు కోరుతున్నారు. గతంలో చెత్త వేయకుండా తాము అడ్డుకున్నామని తెలిపారు. తిరిగి మళ్లీ చెత్త వేస్తున్నారని, దుర్గంధంతో తాము ఇబ్బంది పడుతున్నామని గ్రామస్తులు వాపోయారు. దోమలు, పొగ వల్ల ప్రజలు అస్వస్థతకు గురవుతున్నారని ఆవేదన చెందారు.