ప్రారంభం కాని నాతవరం పోలీస్ భవనం
అనకాపల్లి: నాతవరం పోలీస్ స్టేషన్ కొత్త భవనం నిర్మాణం పూర్తై రెండున్నరేళ్లు గడిచినా ఇప్పటికీ ప్రారంభానికి నోచుకోలేదు. రూ.2 కోట్ల వ్యయంతో నిర్మించిన ఈ భవనాన్ని గత ఏడాది అక్టోబర్లో ప్రారంభించేందుకు ఏర్పాట్లు చేసినప్పటికీ చివరి నిమిషంలో కార్యక్రమం రద్దైంది. అప్పటి నుంచి ఇప్పటివరకు ప్రారంభంపై ఎలాంటి స్పష్టత లేకపోవడంతో స్థానికుల్లో అసంతృప్తి వ్యక్తమవుతోంది.