అన్నారం గ్రామ శివారులో క్షుద్రపూజల కలకలం
KNR: మానకొండూరు మండలం అన్నారం గ్రామ శివారులో గుర్తు తెలియని వ్యక్తులు క్షుద్రపూజలు చేసిన ఆనవాళ్లు కనిపించడంతో గ్రామంలో కలకలం రేగింది. దారిమధ్యలో పసుపు, కుంకుమ, నిమ్మకాయలు, కోసిన బూడిదగుమ్మడికాయ వంటి పూజా సామగ్రిని చూసి రైతులు భయాందోళనకు గురయ్యారు. ఒంటరిగా పొలాలకు వెళ్లేందుకు జంకుతున్నామని, మూఢవిశ్వాసాలకు పాల్పడుతున్న వారిపై చర్యలు తీసుకోవాలని వారు అధికారులను కోరారు.