ఆ మెసేజ్లను నమ్మవద్దు: సీపీ సజ్జనార్
TG: తన పేరుతో నకిలీ ఫేస్ బుక్ ఖాతా సృష్టించారని హైదరాబాద్ సీపీ సజ్జనార్ తెలిపారు. 'ఆపదలో ఉన్నానని.. డబ్బు పంపాలని మెసేజ్లు పంపిస్తున్నారు. ఇప్పటికే ఒక స్నేహితుడు రూ.20వేలు పంపి మోసపోయారు. డబ్బు పంపాలన్న మెసేజ్లు ఎవరూ నమ్మవద్దు. అనుమానాస్పద లింకులు, మెసేజ్లు, వీడియో కాల్స్ బ్లాక్ చేయాలి. ఆయా సైట్లు బ్లాక్ చేసి పోలీసులకు ఫిర్యాదు చేయాలి' అని పేర్కొన్నారు.