రూ.151 కోట్ల నగదు, నగలు స్వాధీనం
తమిళనాడులో ఎన్నికల నోటిఫికేషన్ వచ్చినప్పటి నుంచి నిన్నటి వరకు రాష్ట్రవ్యాప్తంగా ఎన్నికల అధికారులు, ఫ్లయింగ్ స్క్వాడ్స్ తనిఖీలు నిర్వహిస్తున్నారు. తనిఖీల్లో రూ.151 కోట్ల విలువైన నగదు, నగలు, వస్తువులు పట్టుబడ్డాయని ఆ రాష్ట్ర ఎన్నికల ప్రధానాధికారి అర్చనా పట్నాయక్ ప్రకటించారు. ఎన్నికల కోడ్ ప్రకారం రూ.50 వేలకు పైగా నగదు తీసుకెళ్లాలంటే రశీదులు, ఆధార పత్రాలు ఉండాలని ఆమె తెలిపారు.