'బాల్య వివాహాలు అనర్థదాయకం'
కర్నూలులోని న్యాయ సేవాసదన్లో బుధవారం జరిగిన సమావేశంలో, బాల్య వివాహాలు అనేక అనర్థాలకు దారితీస్తున్నాయని, తల్లిదండ్రులకు ఈ విషయాన్ని వివరించాలని న్యాయ సేవాధికార సంస్థ కార్యదర్శి వెంకట శేషాద్రి సూచించారు. జాతీయ న్యాయ సేవా సంస్థల ఆదేశాల మేరకు నిర్వహించిన ఈ సమావేశంలో, గిరిజన హక్కుల రక్షణ, అమలు పథకాలు 2025పై అవగాహన కల్పించేందుకు సదస్సులు నిర్వహించారు.