నూతన పాఠశాల భవనం నిర్మించాలని కలెక్టర్‌కు వినతి
నారయణపేట మండలం అభంగాపూర్లో శిథిలావస్థకు చేరిన పాఠశాల భవనం తొలగించి కొత్తగా నిర్మించాలని శుక్రవారం PYL నేతలు కలెక్టర్ సిక్తా పట్నాయక్‌కు వినతి పత్రం అందించారు. ఈ సందర్భంగా యూనియన్ జిల్లా సహాయ కార్యదర్శి రాము మాట్లాడుతూ.. 120 మంది విద్యార్థులు ఉన్న పాఠశాలలో ఏడుగురు ఉండాల్సిన చోట కేవలం ఇద్దరు ఉపాధ్యాయులు మాత్రమే ఉన్నారని, పూర్తి స్థాయిలో ఖాళీలు భర్తీ చేయాలని కోరారు.