పంట పరిహారం.. 'మహా' ప్రభుత్వంపై మండిపాటు
మహారాష్ట్రలో వరదల కారణంగా నష్టపోయిన రైతులకు రూ.10 కంటే తక్కువగా పరిహారం అందటం చర్చనీయాంశమైంది. దావర్వాడికి చెందిన సుధాకర్ అనే రైతు తనకు రూ.6 మాత్రమే పంట పరిహారం అందిందని వాపోయారు. ఈ సాయం టీ తాగడానికి కూడా సరిపోదని మండిపడ్డారు. తక్కువ పరిహారం అందిన రైతులంతా కలిసి కలెక్టర్ కార్యాలయాల వద్ద ధర్నాకు దిగారు. తమకు అందిన సాయాన్ని చెక్కుల రూపంలో తిరిగి ఇచ్చేశారు.