కోడిపందాలు ఆడుతున్న నలుగురు అరెస్టు
ASR: కొయ్యూరు మండలం ఆర్.కొత్తూరు శివారులలో కోడిపందాలు ఆడుతున్న నలుగురు వ్యక్తులను అరెస్టు చేశామని ఎస్సై పీ.కిషోర్ వర్మ ఆదివారం రాత్రి తెలిపారు. ముందస్తు సమాచారంతో తమ సిబ్బందితో కలిసి కోడిపందాలపై దాడులు నిర్వహించగా.. నలుగురు వ్యక్తులు పట్టుబడ్డారన్నారు. వారిని అదుపులోకి తీసుకుని, వారి వద్ద నుంచి రూ.5,250 నగదు, 4 కోడి పుంజులు స్వాధీనం చేసుకున్నామని తెలిపారు.