భారీ మొత్తంలో పాత నోట్లు స్వాధీనం
ఢిల్లీ వాజీపూర్ ప్రాంతంలో అధికారులు పెద్ద మొత్తంలో చెల్లుబాటులో లేని రూ.500, రూ.1000 పాత నోట్లను స్వాధీనం చేసుకున్నారు. పట్టుబడిన మొత్తం దాదాపు రూ.3.50 కోట్ల వరకు ఉంటుందని అంచనా వేస్తున్నారు. ఈ క్రమంలో అధికారులు అక్రమ నగదు రవాణాకు ఉంచిన 2 వాహనాలతో పాటు పలువురిని అదుపులోకి తీసుకున్నారు. ఈ డబ్బు ఎక్కడి నుంచి వచ్చింది, ఎక్కడికి తరలిస్తున్నారనే కోణంలో దర్యాప్తు చేస్తున్నారు.