మిట్టపాలెం నారాయణస్వామి ఆలయంలో ప్రత్యేక పూజలు
ప్రకాశం: చంద్రశేఖరపురం మండలంలోని మిట్టపాలెం గ్రామంలో వెలిసి ఉన్న నారాయణస్వామి ఆలయంలో ఆదివారం భక్తులు ప్రత్యేక పూజలు చేశారు. స్వామివారికి ఆదివారం ప్రీతికరమైన రోజు కావడంతో చుట్టుపక్క గ్రామాల నుండి భక్తులు పెద్ద ఎత్తున ఆలయానికి చేరుకొని స్వామివారికి పొంగళ్ళు నైవేద్యంగా పెట్టి తమ మొక్కలను తీర్చుకున్నారు. అనంతరం గోపూజ కార్యక్రమాన్ని నిర్వహించారు.