బోనకల్ పీహెచ్సీలో అపరిశుభ్రత.. రోగుల అవస్థలు
KMM: బోనకల్ ప్రాథమిక ఆరోగ్య కేంద్రం పరిసరాల్లో చెత్తాచెదారం పేరుకుపోయి దుర్గంధం వెదజల్లుతోంది. ఆసుపత్రి ప్రాంగణంలో పిచ్చిమొక్కలు, ఎండిన ఆకులు కుప్పలుగా పడి ఉండటంతో రోగులు తీవ్ర ఇబ్బందులు పడుతున్నారు. ఆరోగ్య సూత్రాలు చెప్పాల్సిన చోటే అపరిశుభ్రత రాజ్యమేలడంపై ప్రజలు మండిపడుతున్నారు. తక్షణమే వ్యర్థాలను తొలగించి ప్రాంగణాన్ని శుద్ధి చేయాలని కోరారు.