ఈ నెల 18వ తేదీ వరకు తేలికపాటి వర్షాలు
అల్లూరి జిల్లాలో రాగల ఐదు రోజుల్లో తేలికపాటి వర్షాలు కురుస్తాయని చింతపల్లి ప్రాంతీయ వ్యవసాయ పరిశోధన స్థానం ఏడీఆర్, వాతావరణ విభాగం నోడల్ అధికారి డాక్టర్ ఆళ్ల అప్పలస్వామి మంగళవారం తెలిపారు. ఈ నెల 18వ తేదీ వరకు చింతపల్లి, పాడేరు, అరకు, రంపచోడవరం డివిజన్ల పరిధిలో కనిష్ఠంగా 3.6 మిల్లీమీటర్ల నుంచి గరిష్ఠంగా 25 మిల్లీమీటర్ల వర్షపాతం నమోదు అవుతుందన్నారు.