తాటి చెట్టుపై నుంచి జారిపడిన గీత కార్మికుడు
NZB: సిరికొండలో తాటిచెట్టుపై నుంచి కిందపడి ఓ గీత కార్మికుడు తీవ్రంగా గాయపడ్డాడు. అట్టిమల్ల శ్రీనివాస్ గౌడ్ గురువారం తాటిచెట్టుపై కల్లు తీస్తుండగా ప్రమాదవశాత్తు మోకు జారి కిందపడ్డాడు. ఈ ఘటనలో అతడి కాలు విరిగింది. ఇంటికి పెద్ద దిక్కైన ఆయన కాలు విరగడంతో ఆ కుటుంబం దిక్కుతోచని స్థితిలో పడింది. ప్రభుత్వం తమను ఆదుకోవాలని కుటుంబ సభ్యులు విజ్ఞప్తి చేశారు.