విశాఖలో ‘మినీ బాలోత్సవం’ పోస్టర్ ఆవిష్కరణ
విశాఖలోని అల్లూరి సీతారామరాజు విజ్ఞాన కేంద్రంలో ‘మినీ బాలోత్సవం’ పోస్టర్ ఆవిష్కరించారు. ఆసరా ఛారిటబుల్ సొసైటీ, వైజాగ్ చిల్డ్రన్స్ క్లబ్ సంయుక్తంగా ఏప్రిల్ 27న ఈ ఉత్సవం నిర్వహించనున్నట్లు తెలిపారు. ఎల్కేజీ నుంచి 10వ తరగతి విద్యార్థులకు చిత్రలేఖనం, నృత్యం, నాటికలు, క్విజ్ పోటీలు ఉంటాయని వారు పేర్కొన్నారు. పాల్గొనేవారికి సర్టిఫికెట్లు, విజేతలకు బహుమతులు అందజేయనున్నారు.