ఆస్తి వివాదం.. తమ్ముడిపై అన్న దాడి..!
అన్నమయ్య జిల్లా మదనపల్లెలో ఆస్తి వివాదం ఘర్షణకు దారితీసిన ఘటన శుక్రవారం జరిగింది. పొన్నేటిపాలెం పంచాయితీ చిప్పిలికి చెందిన నాగిరెడ్డి, తన అన్న కేశవరెడ్డిని వ్యవసాయ భూమిలో వాటా అడిగాడు. ఈ క్రమంలో వారిద్దరి మధ్య తీవ్ర వాగ్వాదం చోటుచేసుకుంది. ఆగ్రహంతో అన్న కత్తితో తమ్ముడిపై దాడి చేశాడు. ఈ దాడిలో నాగిరెడ్డి తీవ్రంగా గాయపడ్డట్లు స్థానికులు తెలిపారు. పూర్తి వివరాలు తెలియాల్సి ఉంది.