జిల్లాలో ఆధ్యాత్మిక శోభ
కరీంనగర్ జిల్లాలో శ్రీరామ నవమి వేడుకలు అంబరాన్నంటాయి. జిల్లావ్యాప్తంగా ఆలయాలు విద్యుత్ వెలుగులతో జిగేలుమంటున్నాయి. భక్తుల జయఘోషల మధ్య సీతారాముల కల్యాణోత్సవం వైభవంగా సాగుతోంది. పానకం, వడపప్పు ప్రసాదాల పంపిణీతో వీధులన్నీ ఆధ్యాత్మిక శోభను సంతరించుకున్నాయి. ఉత్సవ కమిటీలు, పోలీసులు భారీ ఏర్పాట్లు చేయగా, భక్తులు వేలాదిగా తరలివచ్చి స్వామివారిని దర్శించుకుంటున్నారు.