తిరుమలకు తొలి మెట్టు.. మన 'కడప'..!

కడప అంటే కేవలం ఊరు పేరు కాదు, అది ఆధ్యాత్మిక 'గడప'. పూర్వం తిరుమల వేంకటేశ్వర స్వామిని దర్శించుకునే భక్తులు, ముందుగా పాత కడపలోని లక్ష్మీ వెంకటేశ్వర స్వామిని దర్శించుకోవడం ఒక ఆచారంగా ఉండేది. అందుకే దీనికి 'దేవుని గడప' అనే పేరు వచ్చింది. ఆధ్యాత్మిక మార్గంలో తొలి గడపగా నిలిచిన ఈ క్షేత్రం నేటికీ భక్తులతో కళకళలాడుతోంది. మన సంస్కృతిలో కడపకు ఉన్న ప్రాముఖ్యతలో ఇది ముఖ్యమైనదిగా స్థానికులు భావిస్తారు.