ప్రధాన రహదారికి మరమ్మతులు
SRD: జిన్నారం మున్సిపాలిటీ పరిధిలోని కొడకంచి గ్రామంలో ప్రధాన రహదారిపై ఏర్పడిన గుంతలను అధికారులు పూడ్చారు. వర్షాల కారణంగా దెబ్బతిన్న రహదారి వల్ల వాహనదారులు, పాదచారులు ఇబ్బందులు ఎదుర్కొంటుండగా స్థానికుల విజ్ఞప్తితో మరమ్మతులు బుధవారం చేపట్టారు. గుంతలు పూడ్చడంతో రాకపోకలు సాఫీగా సాగుతున్నాయి. గ్రామస్తులు అధికారులకు కృతజ్ఞతలు తెలిపారు.