తప్పిన ప్రమాదం.. రోడ్డుపై బియ్యం సంచులు
MDK: రామాయంపేట ఎఫ్సీఐ గోదాం నుంచి దంతేపల్లి వెళ్తున్న బియ్యం లారీ క్యాట్రియాల శివారులోని గుంతల రోడ్డు కారణంగా కుదుపునకు లోనైంది. దీంతో లోడులోని బియ్యం సంచులు ఒక్కసారిగా రోడ్డుపై జారిపడ్డాయి. ఆ సమయంలో వాహనాలేవీ రాకపోవడంతో పెను ప్రమాదం తప్పింది. సిబ్బంది వెంటనే స్పందించి బస్తాలను తిరిగి లారీలోకి చేర్చారు. లోడ్ అజాగ్రతగా తరలించడంపై స్థానికులు ఆగ్రహం వ్యక్తం చేస్తున్నారు.