భక్తి శ్రద్ధలతో మంగళ గౌరీదేవికి పూజలు
కడప: సిద్దవటం మండలంలోని మాధవరం-1 గ్రామంలో వెలసిన శ్రీ మంగళ గౌరీ సమేత అమరలింగేశ్వరుని ఆలయంలో శుక్రవారం మంగళ గౌరీ దేవికి భక్తిశ్రద్ధలతో పూజలు నిర్వహించారు. ఆలయ అర్చకుడు జింకా సాంబయ్య అమ్మవారికి జలాభిషేకం, కుంకుమార్చన, వంటి పలు అభిషేకాలను నిర్వహించి పూలతో అలంకరించారు. భక్తులు అమ్మవారిని దర్శించుకుని మొక్కులు తీర్చుకున్నారు. అనంతరం తీర్థప్రసాదాలను స్వీకరించారు.