విషాదం.. పిడుగుపాటుతో గిరిజనుడు మృతి
ASR: జి.మాడుగుల మండలం సొలభం పంచాయతీ బీమలోయ గ్రామంలో సోమవారం మధ్యాహ్నం పిడుగుపాటుకు గిన్నెల భాస్కరరావు అనే గిరిజనుడు మృతి చెందాడు. ఈదురుగాలులతో కూడిన భారీ వర్షం సమయంలో చెట్టు కింద నిల్చున్న ఆయనపై పిడుగు పడడంతో అక్కడికక్కడే ప్రాణాలు కోల్పోయారు. ఘటనతో గ్రామంలో విషాదం నెలకొంది. బాధిత కుటుంబానికి ప్రభుత్వం సహాయం అందించాలని సర్పంచ్ కోరారు.